कोरोनाका ५३ नयाँ संक्रमित थपिए

काठमाडौं– स्वास्थ्य तथा जनसंख्या मन्त्रालयले आइतवार नेपालमा ५३ जना कोरोनाका नयाँ संक्रमित थपिएका जनाएको छ ।

योसँगै नेपालमा कोरोना संक्रमितको कूल संख्या २ लाख ७५ हजार २ सय ३१ पुगेको छ । पछिल्लो २४ घण्टामा जम्मा २ हजार ६ सय १५ पीसीआर परीक्षणमा ५३ जनामा संक्रमण देखिएको हो । यसैगरी हालसम्म नेपालमा कोरोनाबाट मृत्यु हुनेहरुको संख्या ३ हजार १४ पुगेको छ । त्यस्तै आइतबार ७७ जना संक्रमित निको भएर घर फर्किएका मन्त्रालयले जनाएको छ ।

हालसम्म नेपालमा कोरोना निको हुनेहरुको संख्या २ लाख ७१ हजार ३ सय २६ पुगेको छ । अहीलेसम्म नेपालमा २२ लाख १५ हजार ४ सय ११ पीसीआर परीक्षण भएका छन् ।

मन्त्रालयका अनुसार देशैभर गरेर हाल ८ सय ९१ जना संक्रमित आइसोलेसनमा रहेका छन् भने क्वारेन्टीनमा रहनेको संख्या ४७ रहेको छ ।