कौडा खेलिरहेको अवस्थामा ७ जना पक्राउ

काठमाडौं । धादिङमा कौडा खेलिरहेको अवस्थामा ७ जना पक्राउ परेका छन् ।

ज्वालामुखी गाउँपालिका २ गैरिगाँउ का हिरा श्रेष्ठको कुखुरा फार्ममा कौडा खेलिरहेको अवस्थामा गोरखा गण्डकी गाउँपालिका ४ का ४७ वर्षीय लोक बहादुर भट्ट समेत ७ जनालाई हिजो सोमवार साँझ प्रहरीले पक्राउ गरेको छ ।

जुवातास खेलिरहेको खबर प्राप्त हुनासाथ जिल्ला प्रहरी कार्यालय धादिङ र प्रहरी चौकी मैदीबाट खटिएको प्रहरीले उनीहरुलाई नगद ३ लाख १३ हजार ६५ रुपैयाँ र ३२ थान कौडा सहित फेला पारी पक्राउ गरेको हो ।

यस सम्बन्धमा थप अनुसन्धान गरिरहेको प्रहरीले जनाएको छ ।