काठमाडौं । स्पेनिस क्लब रियल मड्रिडले च्याम्पियन्स लिग फुटबल अन्तर्गत अन्तिम १६ को दोस्रो लेगमा आज एट्लान्टासँग भिड्दै छन् । रियलको घरेलु मैदानमा हुने दुई टिमबीचको खेल राति १:४५ बजे शुरु हुनेछ ।
घरेलु मैदानमा इटालियन क्लबविरुद्ध रियल सहज जितको खोजीमा हुनेछ । पहिलो लेगमा जित निकाल्न सफल रियल दोस्रो लेगमा समेत सहज जित निकाल्न चाहन्छ ।
रियलले पहिलो लेगमा एट्लान्टालाई १-० ले हराएको थियो । रियलको क्वाटरफाइनलमा पुग्ने सम्भावना बलियो रहेको छ ।
एट्लान्टालाई भने दोस्रो लेगमा जित्नै पर्ने दवाब रहेको छ । तर, घरेलु मैदानमा रियललाई हराउँन एट्लान्टालाई सहज भने छैन ।
- एजेन्सी
यो खबर पढेर तपाईलाई कस्तो महसुस भयो ?
प्रतिक्रिया