काठमाडौं । सहिद स्मारक सी डिभिजन लिग फुटबलमा आज दुई खेल हुँदैछ । एन्फा कम्प्लेक्स सातदोबाटोमा हुने पहिलो खेलमा प्लानिङ ब्वाइज युनाईटेड र चर्च ब्वाइज युनाईटेड भिड्ने छन् ।
समूह ‘बी’ मा रहेका प्लानिङ र चर्च ब्वाइजबीचको खेल अपरान्ह १२:३० बजे शुरु हुनेछ । आज दुबै टिम जित निकाल्ने लक्ष्यमा हुने छन् ।
दोस्रो खेलमा विरगंज युथ एकेडेमी र झापा एफसीबीच प्रतिस्पर्धा हुनेछ । समूह ‘ए’ को विरगंज र झापाबीचको खेल दिउँसो ३:३० बजे शुरु हुनेछ ।
विरगंज लगातार दोस्रो जित निकाल्ने लक्ष्यसहित मैदान उत्रने छ । झापा भने पहिलो जितको खोजीमा हुनेछ ।
आगामी चैत २४ गतेसम्म संचालन हुने लिगमा १४ टिमले प्रतिस्पर्धा गरिरहेका छन् ।
यो खबर पढेर तपाईलाई कस्तो महसुस भयो ?
प्रतिक्रिया