भारतमा पछिल्लो २४ घण्टामै थपिए ३५ हजार ८ सय ७१ संक्रमित

काठमाडौं । भारतमा कोरोनाभाइरसबाट संक्रमित हुनेको संख्यामा लगातार बृद्धि हुन थालेको छ । त्यहाँ पछिल्लो २४ घण्टामा ३५ हजार ८ सय ७१ जना नयाँ कोरोना संक्रमित फेला परेका छन् भने १७७४१ जना संक्रमणमुक्त भएका छन् ।

यो सँगै भारतमा कोरोना संक्रमितको संख्या १ करोड १४ लाख ६ सय ५ पुगेको छ । जसमध्ये संक्रिय संक्रमितको संख्या २ लाख ५२ हजार ३६४ रहेको छ भने १ करोड १० लाख ६३ हजार २५ जना कोरोना संक्रमण मुक्त भएका छन् ।

भारतमा पछिल्लो २४ घण्टमा १७२ जनाको मृत्यु भएको छ । यो सँगै कोरोना बाट मृत्यु हुनेको संख्या १ लाख ५९ हजार २१६ पुगेको छ ।

त्यहाँ हालसम्म ३ करोड ७१ लाख ४३ हजार २५५ जनाले कोरोना विरुद्धको खोप लगाएको त्यहाँको परिवार कल्याण मन्त्रालयले आज बिहीवार जानकारी दिएको छ ।