काठमाडौंको चाल्नाखेलमा दुई वटा शव फेला, घटनास्थलमा भेटियो विषको बट्टा

काठमाडौं । काठमाडौंको चाल्नाखेलमा दुई पुरुषको शव फेला परेको छ। अन्दाजी २० र २५ वर्षीय पुरुषको शव फेला परेको प्रहरीले जनाएको छ ।

प्रहरी परिसर काठमाडौंका एसपी रमेश कुमार बस्नेतको नेतृत्वको टोली प्रहरी टोली घटनास्थल पुगिसकेको छ ।

‘हामी भर्खरै घटनास्थलमा आइपुगेका छौँ । जंगलमा दुईवटा शव फेला परेको छ । हामी अनुसन्धान गर्दैछौँ ।’ एसपी बस्नेतले भने।

प्रहरीले घटनास्थलबाट विषका बट्टाहरू पनि फेला पारेको छ । ‘शव सग्लै छ । हत्या वा आत्महत्या के हो भनिहाल्न सक्ने अवस्था छैन ।’ उनले बताए ।