चाल्नाखेल जंगलमा भेटिएका दुवै शवको पहिचान खुल्यो

काठमाडौं । काठमाडौंको चाल्नाखेल जंगलमा भेटिएका दुवै शवको पहिचान खुलेको छ । मृत्यु हुनेमा नुवाकोटका १६ वर्षीय अर्जुन खड्का र काभ्रेपलाञ्चोकका १७ वर्षीय मंगल तामाङ रहेका महानगरीय प्रहरी परिसरका एसपी रमेशकुमार बस्नेतले लोकपथलाइ बताए ।

अर्जुनको सनाखत गर्नका लागि उनका दाजु घटनास्थलमा पुगेका छन् । बाङ्गेमुडामा बस्दै आएका उनीहरु हिजो खाना खाएर साथीको घर ललितपुर जाने भन्दै हिँडेका थिए ।

घटनास्थलमा प्रहरीले दुईवटा विषादीको बट्टा पनि भेटेका कारण आत्महत्या हुनसक्ने प्रारम्भिक अनुमान छ ।

‘घटनास्थलबाट विषका बट्टाहरू फेला पारेका छन् हत्या वा आत्महत्या के हो भनिहाल्न सक्ने अवस्था छैन ।’ एसपी बस्नेतले बताए ।

यो पनि : काठमाडौंको चाल्नाखेलमा दुई वटा शव फेला, घटनास्थलमा भेटियो विषको बट्टा