देशैभरको मौसम बदली धेरै स्थानमा वर्षाको सम्भावना

काठमाडौं । आज देशैभरको मौसम बदली हुने मौसम पूर्वानुमान महाशाखाले जनाएको छ । बिहान ६ बजे प्रकाशन गरेको बुलेटिनअनुसार स्थानीय वायुसँगै पश्चिमी वायुको प्रभावले देशभर मौसम आंशिकदेखि सामान्यसम्म बदली भएको जनाइएको छ ।

महाशाखाका अनुसार आज दिउँसो प्रदेश १, प्रदेश २, बागमती, गण्डकी, कर्णाली तथा सुदूरपश्चिम प्रदेशका विभिन्न स्थानमा मेघगर्जनसहित वर्षाको सम्भावना छ।

बिहान पौने ६ बजेको मापनअनुसार काठमाडौं उपत्यकाको न्यूनतम तापक्रम १२ डिग्री सेल्सियस छ। अहिले पौने ९ बजे पनि मापन गरिने मौसम पूर्वानुमानले जानकारी दिएको छ ।

मौसम पूर्वानुमान बुलेटिनअनुसार आज राति पनि प्रदेश नं १ को पहाडी भेगका एक वा दुई स्थानमा मेघगर्जन र चट्याङसहित हल्का वर्षा हुने सम्भावना छ।