राष्ट्रिय अनुसन्धान विभागको एसपी हुँ भन्दै ठग्ने नक्कली एसपी पक्राउ

चितवन । राष्ट्रिय अनुसन्धान विभागको एसपी हुँ भन्दै विभिन्न प्रलोभनमा पारेर रकम ठगी गर्दै हिँडेको अभियोगमा चितवन प्रहरीले एक व्यक्तिलाई पक्राउ गरेको छ । पक्राउ पर्नेमा धादिङ नेत्रावती गाउँपालिका–१ का ४५ वर्षीय विश्वराज पन्त भनिने बुद्धिप्रसाद पन्त रहेको प्रहरीले जनाएको छ ।

चितवन प्रहरी प्रवक्ता प्रहरी नायब उपरीक्षक सूर्यबहादुर थापाका अनुसार विशेष सूचनाका आधारमा पन्तलाई बिहीबार साँझ खैरहनी नगरपालिकाको पर्सा बजारबाट पक्राउ गरिएको हो।

निजले चितवनको रत्ननगर टाँडी र खैरहनीको पर्साका विभिन्न होटलमा महिनौँसम्म बसेर खाने र पैसा नदिई हिँड्ने गरेको स्थानीयको गुनासोको आधारमा उनलाई पक्राउ गएिको हो । यो खबर गोरखापत्रमा छ ।