काठमाडौं । नेपालमा आयोजना हुने त्रिदेशीय अन्तराष्ट्रिय फुटबल प्रतियोगिताको प्रसारण नेपाल टेलिभिजनमा प्रत्यक्ष हेर्न पाइने भएको छ ।
अखिल नेपाल फुटबल संघ (एन्फा) ले आइतवार पत्रकार सम्मेलन गर्दै त्रिदेशीय फुटबल नेपाल टेलिभिजनबाट प्रत्यक्ष प्रसारण हुने जनाएको हो ।
नेपाल टेलिभिजनसँगको यस अघिको सम्झौता अनुसार त्रिदेशीय फुटबलको प्रत्यक्ष प्रसारण अधिकार नेपाल टेलिभिजनलाई दिईएको एन्फाका प्रवक्ता किरण राईले बताए ।
एन्फाले नेपाल टेलिभिजन ३५ लाखको सम्झौता गरेको थियो ।
दशरथ रंगशालामा आयोजना हुने त्रिदेशीय फुटबलमा नेपाल, बंगलादेश र किर्गिस्तान भिड्ने छन् ।
नेपालले पहिलो खेलमा किर्गिस्तानसँग भिड्ने छ । नेपाल र किर्गिस्तानबीचको खेल चैत १२ गते हुनेछ ।
यो खबर पढेर तपाईलाई कस्तो महसुस भयो ?
प्रतिक्रिया