स्रोत नखुलेको ६ लाख रुपैयाँसहित एक जना पक्राउ

काठमाडौं । पर्सामा स्रोत नखुलेको ६ लाख रुपैयाँसहित एक जना पक्राउ परेका छन् ।

वीरगंज महानगरपालिका-१६ रजतजयन्ती चोकबाट स्रोत नखुलेको करिब ६ लाख रुपैयाँसहित रौतहट कटहरिया नगरपालिका-१ बस्ने २५ वर्षीय मुकेश कुमार यादबलाई आइतवार दिउँसो प्रहरीले पक्राउ गरेको छ ।

प्र ३-००२ प २३७२ नम्बरको मोटरसाइकललाई प्रहरी चौकी ईनरुवाबाट खटिएको प्रहरीले जाँच गर्ने क्रममा मोटरसाइकल चालक यादबलाई उक्त स्रोत नखुलेको रुपैयाँ सहितफेला पारी पक्राउ गरेको हो ।

यस सम्बन्धमा प्रहरीले थप अनुसन्धान गरिरहेको बताएको छ ।