काठमाडौं । सहिद स्मारक सी डिभिजन लिग फुटबलमा आजदेखि एन्फा कम्प्लेक्स सातदोबाटोमा हुँदैछ । एन्फा कम्प्लेक्समा हुने पहिलो खेलमा प्लानिङ ब्वाइज युनाईटेड र स्वयम्भु क्लबबीच प्रतिस्पर्धा हुने छ । प्लानिङ र स्वयम्भुबीचको खेल अपरान्ह १२ः १५ बजे शुरु हुने आयोजक कमिटीले जनाएको छ ।
यस्तै दोस्रो खेलमा विरगंज युथ एकेडेमी र समाज कल्याण खेलकुद केन्द्रबीच प्रतिस्पर्धा हुनेछ । विरगंज र समाजबीचको खेल दिउसो ३ बजे शुरु हुनेछ । चैत २४ गतेसम्म सञ्चालन हुने लिगमा १४ टिमले प्रतिस्पर्धा गर्ने छन् । सहभागी टोलीलाई २ समूहमा विभाजन गरिएको छ ।
समूहको शीर्ष ३ टोलीले सुपर सिक्स चरणमा पुग्ने छन् । सुपर सिक्सको शीर्ष ३ टोली बी डिभिजनमा बढुवा हुनेछ । यस्तै समूहको पुछारमा रहेको दुई टिमले प्ले अफ खेल खेल्नेछ । प्ले अफमा पराजित हुने टिम रेलिगेसनमा पर्नेछ ।
यो खबर पढेर तपाईलाई कस्तो महसुस भयो ?
प्रतिक्रिया