ओछ्यानबाटै बेपत्ता झा दम्पतीको शव ३१ दिनपछि गाडिएको अवस्थामा फेला, प्रहरी घटनास्थलमा

काठमाडौं । महोत्तरीको पिपरा गाउँपालिका–५ का मुसाफिर झा र उनकी पत्नी गीतादेवी मृत अवस्थामा फेला परेका छन् ।

महोत्तरीको त्रिपुरा गाउँपालिका–२ अत्तराममा उनीहरुको शव गाडिएको अवस्थामा फेला परेको जिल्ला प्रहरी कार्यालय महोत्तरीका प्रहरी उपरीक्षक (एसपी) दिनेश आचार्यले लोकपथलाई बताए ।

‘अत्तराम भन्ने ठाँउमा गाडिएको अवस्थामा उनीहरुको शव फेला परेको छ । परिवारले शवको शनाखत गर्नुभएको हो ।’ एसपी आचार्यले बताए ।
‘शव सडे-गलेको अवस्थामा भेटिएको छ । थप अनुसन्धान भइरहेको छ ।’ एसपी आचार्यले बताए ।

गत फागुन १० गते सोहडवा बस्ने ६५ वर्षीय मुसाफिर झा र उनकी पत्नी ६० वर्षीया गीता देवी झालाई घरमै सुतिरहेको अवस्थामा ओछयानसहित स-शरीर बेपत्ता भएका थिए ।