जर्मनीको शानदार जित

काठमाडौं । फिफा विश्वकप फुटबल छनौट अन्तर्गत युरोपियन छनौटमा जर्मनीले जित हात पारेको छ । बिहीवार राति भएको पहिलो खेलमा जर्मनीले आइसल्याण्डलाई ३-० गोल अन्तरले पराजित गरेको छ ।

खेलको तेस्रो मिनेटमा लियोनको गोलबाट जर्मनीले अग्रता बनाएको थियो ।

सातौं मिनेटमा हाभर्ट्जले गोल गर्दै टिमको अग्रता २-० को बनाए । त्यसपछि खेलको ५६ औं मिनेटमा गुन्डोगानले गोल गर्दै जर्मनीलाई ३-० को जित दिलाए ।

जितसँगै समूह जे को जर्मनीले पहिलो खेलमै ३ अंक जोडेको छ ।

आइसल्याण्डले हारबाट प्रतियोगिताको सुरुवात गरेको छ । यसै समूहको अर्को खेलमा रोमानियाले नर्थ मासेडोनियालाई ३-२ ले हराएको छ ।

अर्मेनियाले लिचेस्टिनलाई १-० ले हराएको छ ।

• एजेन्सी