ग्रिससँग स्पेनको बराबरी

काठमाडौं । फिफा विश्वकप फुटबल छनौट अन्तर्गत युरोपियन छनौटको पहिलो खेलमा स्पेनले बराबरी खेल खेलेको छ । बिहीवार राति भएको खेलमा स्पेन ग्रिससँग १-१ गोलको बराबरीमा रोकिएको हो ।

घरेलु मैदानमा शुरुवाती अग्रता जोगाउन नसक्दा स्पेन बराबरीमा रोकिएको हो । खेलको ३३ औं मिनेटमा अल्भारो मोराटाले गोल गर्दै स्पेनलाई अग्रता दिलाएका थिए ।

तर, खेलको ५७ औं मिनेटमा अनास्टासिओस बाकासेटासले पेनाल्टीमा गोल गर्दै ग्रिसलाई हारबाट जोगाए । यस बराबरीसँगै समूह बी को स्पेन र ग्रिसले एक एक अंक जोडेका छन् ।

• एजेन्सी