भारतमा एकै दिन थपिए ५९ हजार बढी कोरोना संक्रमित

काठमाडौं । भारतमा ५९ हजार ११८ जना थप व्यक्तिमा कोरोना संक्रमण देखिएपछि कूल संक्रमितको संख्या एक करोड १८ लाख ४६ हजार ६५२ पुगेको मन्त्रालयले बिहीवार जानकारी दिएको छ ।

गत २४ घण्टामा कोरोना संक्रमणबाट २५७ जनाको मृत्यु भएपछि यहाँ कूल मृतकको संख्या एक लाख ६० हजार ९४९ पुगेको केन्द्रीय स्वास्थ्य तथा परिवार कल्याण मन्त्रालयले शुक्रवार जानकारी दिएको छ ।

सोही अवधीमा यहाँँ कूल संक्रमितमध्ये चार लाख २१ हजार ६६ जना अहिले पनि संक्रमित अवस्थामै रहेका छन् भने कूल एक करोड १२ लाख ६४ हजार ६३७ जना संक्रमणमुक्त भएका छन् ।

भारतमा गत जनवरीबाट कोरोना भाइरसविरुद्धको खोप अभियान शुरु भएको थियो । सो समयदेखि हालसम्म पाँच करोड ५० भन्दा बढीले खोप लगाइसकेका छन् ।

त्यसैगरी कोरोना परीक्षण गर्ने क्रम पनि चलिरहेको भारतीय चिकित्सा अनुसन्धान परिषद्ले जनाएको छ । परिषद्का अनुसार सोमवारसम्म भारतमा २३ करोड ८६ लाख तीन हजारभन्दा बढी व्यक्तिको कोरोना परीक्षण गरिएको छ । बिहीबार एकै दिनमा ११ लाख ७५६ हजारभन्दा बढीको कोरोना परीक्षण गरिएको समाचारमा जनाइएको छ ।

• एजेन्सी