कपनमा २ लाख बराबरको धनमाल चोरी

काठमाडौं । काठमाडौंको कपनमा विभिन्न धनमाल चोरी भएको छ ।

काठमाडौं महानगरपालिका-६ कपन सरस्वतिनगर डेरा गरी बस्ने २८ वर्षीया सबिता यादवको कोठाबाट सुन तथा चाँदीका विभिन्न गहना तथा नगदसमेत गरी करिब २ लाख ६५ हजार रुपैयाँ बराबरको धनमाल बिहीवार दिउँसो चोरी भएको हो ।

चोरीमा संलग्न हाल फरार व्यक्तिहरुको खोजी गर्नुका साथै यस सम्बन्धमा प्रहरीले आवश्यक अनुसन्धान गरिरहेको बताएको छ ।