स्पेनको पुनरागमन जितमा जर्जिया स्तब्ध !

काठमाडौं । फिफा विश्वकप छनौट अन्तर्गत युरोपियन छनौटमा स्पेनले पुनरागमन जित हात पारेको छ । आइतवार राति भएको खेलमा स्पेनले जर्जियामाथि २-१ को पुनरागमन जित हात पारेको हो ।

घरेलु मैदानमा खेलको ४४ औं मिनेटमा केभिचाले गोल गर्दै जर्जियालाई अग्रता दिलाएका थिए ।

तर, दोस्रो हाफमा स्पेनले उत्कृष्ट पुनरागमन गर्यो । खेलको ५६ औं मिनेटमा फेरान टोरेसले गोल गर्दै स्पेनलाई १-१ गोलको बराबरीमा ल्याए ।

त्यसपछि खेलको इन्जुरी समयमा डानिल ओल्मोले गोल गर्दै स्पेनलाई २-१ को जित दिलाए ।

यस्तै खेलको इन्जुरी समयमा लिभानले रातो कार्ड पाएपछि जर्जिया १० खेलाडीमा समेटिएको थियो । विश्वकप छनौटमा स्पेनको यो पहिलो जित हो । पहिलो खेलमा स्पेनले बराबरी खेलेको थियो ।

यस जितसँगै समूह बी को स्पेनले २ खेलमा ४ अंक जोडेको छ । जर्जिया अंक विहीन रहेको छ ।

• एजेन्सी