घरको ढोका फुटाएर चपली चोकमा ४ लाख चोरी

काठमाडौं । काठमाडौंको चपली चोकमा विभिन्न धनमाल चोरी भएको छ ।

बुढानीलकण्ठ नगरपालिका-२ चपली चोकस्थित कुन्जो कोलनीभित्र हरिबाबु पन्तको घरमा कोही नभएको बेला ढोका फोडी विभिन्न धनमाल चोरी भएको हो ।

दोस्रो तलामा रहेको दराजबाट ३ हजार २ सय अमेरीकी डलर र ७० हजार नेपाली रूपैयाँ गरी करिब ४ लाख ४० हजार ५ सय रूपैयाँ नगद आइतवार दिउँसो चोरी भएको हो ।

चोरीमा संलग्न फरार व्यक्तिहरूको खोजी गर्नुका साथै यस सम्बन्धमा प्रहरीले आवश्यक अनुसन्धान गरिरहेको बताएको छ ।