अज्ञात समूहले गोली चलाउँदा एक घाइते

महोत्तरी । महोत्तरीमा अज्ञात समूहले गोली चलाउँदा एक जना घाइते भएका छन् ।

महोत्तरीको औरही नगरपालिका वडा नम्बर ४ स्थित सेरामा बुधवार साँझ अज्ञात समूहले गोली चलाउँदा बर्दिवास नगरपालिका वडा नम्बर–१ बस्ने रोशन कोईराला घाइते भएको महोत्तरीका प्रहरी उपरीक्षक दिनेश आचार्यले जानकारी दिए ।

अज्ञात समूहले चलाएको गोली लागेर घाइते भएका रोशन कोईरालाको बर्दिबासस्थित जनसेवा हस्पिटल उपचार भइरहेको प्रहरीले जनाएको छ ।

गोली कसले र किन चलाएको हो भन्ने बारे अनुसन्धान भइरहेको महोत्तरीका प्रहरी उपरिक्षक आचार्यले बताए ।