चीनले दिएको कोरोनाविरुद्धको खोप चैत २५ देखि लगाउने निर्णय

काठमाडौं । नेपाल सरकारले चीनले अनुदान दिएको कोरोनाविरुद्धको भेरोसेल खोप आगामी २५ चैतदेखि लगाउने निर्णय गरेको छ ।

स्वास्थ्य तथा जनसंख्या मन्त्रालयले खोप काठमाडौं उपत्यकाका अस्पताल र प्रदेशस्तरीय अस्पतालमा मात्रै लगाउने योजना बनाएको प्रवक्ता प्रा.डा जागेश्वर गौतमले जानकारी दिए ।

चीनको सरकारी कम्पनी सिनोफार्मले उत्पादन गरेको कोरोना भाइरसविरुद्धको भेरोसेल खोपको ८ लाख डोज खोप सोमवार काठमाडौं आइपुगेको थियो ।