शीर्ष स्थानको एट्लेटिको मड्रिड पराजित, रियल र बार्सिलोनालाई राहत

काठमाडौं । स्पेनिस ला लिगा फुटबलमा शीर्ष स्थानको एट्लेटिको मड्रिड पराजित भएको छ । आइतवार राति भएको खेलमा एट्लेटिको सेभियासँग १-० गोल अन्तरले पराजित भएको हो ।

सेभियालाई जित दिलाउन मार्कोस अकुनाले निर्णायक गोल गरे । खेलको ७० औं मिनेटमा मार्कोसले निर्णायक गोल गरेका हुन् ।

यस हारसँगै एट्लेटिकोले शीर्ष स्थानमा फराकिलो अग्रता बनाउने मौका गुमाएको छ । एट्लेटिकोले २९ खेलमा ६६ अंक जोडेको छ । एट्लेटिको शीर्ष स्थानाम यथावत रहेको छ ।

शीर्ष स्थानको एट्लेटिको मड्रिड पराजित भएसँगै रियाल र बार्सिलोनालाई राहत मिलेको छ ।

सेभिया ५८ अंक जोडेर चौंथो स्थानमा रहेको छ ।

• एजेन्सी