अछाममा डोजर दुर्घटना हुँदा एक जनाको मृत्यु

टेकसिंह धामी /धनगढी – अछाममा डोजर दुर्घटना हुँदा एक जनाको ज्यान गएको छ । जिल्लाको बान्निगढी जयगढ गाउँपालिका वडा नम्बर – ६ दर्नामा डोजर दुर्घटना भएको हो ।

दुर्घटनामा परि डोटीको शिखर नगरपालिका घर भएकाका ३२ बर्षका किरण बोगटीको मृत्यु भएको छ । ऐश्वर्य माध्यमिक विद्यालयबाट सडक खन्दै चण्डाली जाने क्रममा भिर भन्ने स्थानबाट करिव १ सय ५० मिटर तल खोलामा खसेर चालक बोगटीको घटनास्थलमै ज्यान गएको वडा अध्यक्ष कृष्ण बहादुर कडायतले जानकारी दिए ।

घटनाको बारेमा थप अनुसन्धान गर्न जिल्ला प्रहरी कार्यालयबाट प्रहरीको टोलि घटनास्थल गएको छ । डोजरका सह चालक भने हाम फालेर ज्यान जोगाउन सफल भएका छन् ।