तीन वर्षदेखि अपाङ्गता भएकी छोरीलाई बलात्कार गर्ने बुबा पक्राउ

काठमाडौं । अपाङ्गता भएकी १५ वर्षीया छोरीलाई बलात्कार गरेको अभियोगमा सौतेलो बुबा पक्राउ परेका छन् ।

उनले बिगत तीन वर्षदेखि बलात्कार गर्ने गरेको पिडित पक्षको भनाइ छ ।

गत २७ फागुनमा श्रीमतीले दिएको जाहेरीका आधारमा उनलाई महानगरीय प्रहरी परिसर ललितपुरले पक्राउ गरेको छ ।

अहिले उनी ललितपुर प्रहरी परिसरको हिरासत कक्षमा रहेका र घटनाबारे थप अनुसन्धान भइरहेको महानगरीय प्रहरी परिसर ललितपुरका प्रवक्ता प्रहरी उपरीक्षक प्रज्वल महर्जनले लोकपथलाई बताए ।

श्रीमतीले दिएको जाहेरीका आधारमा उनलाई पक्राउ गरेका छौं । थप अनुसन्धान गर्दै छौं । प्रवक्ता महर्जनले बताए ।