एकैदिन थपिए १ लाख १५ हजार भन्दा बढी कोरोना संक्रमित

काठमाडौं । भारतमा एकैदिन १ लाख १५ हजार २ सय ४९ जनामा कोरोना संक्रमित थपिएका छन् । पछिल्लो २४ घण्टामा संक्रमण पुष्टि हुनेको हालसम्मकै धेरै हो ।

यसअघि गत आइतवार (चैत २२ मा) १ लाख ३ हजार ८ सय ४४ जनामा संक्रमण पुष्टि भएको थियो।

पछिल्लो कोरोना संक्रमण वृद्धिसँगै संक्रमितको संख्या १ करोड २७ लाख ९९ हजार ७४६ पुगेको छ।हालसम्म १ करोड १७ लाख ८९ हजार ७ सय ५९ जना संक्रमणमुक्त भएको बताइएको छ।भारतमा सक्रिय संक्रमितको संख्या ८ लाख ४३ हजार ७ सय ७९ छ।

पछिल्लो २४ घण्टामा ६ सय ३१ जनाको मृत्यु भएको छ । कोरोना संक्रमणबाट मृत्यु हुनेको संख्या १ लाख ६६ हजार २०८ पुगेको छ।