काठमाडौं । पहिलो संस्करणको ललितपुर मेयर कप महिला टी-ट्वान्टी क्रिकेट प्रतियोगितामा प्रदेश-१ ले ललितपुर मेयर्स-११ लाई जितका लागि १ सय २९ रनको लक्ष्य प्रस्तुत गरेको छ ।
टियु क्रिकेट मैदानमा टस जितेर पहिले ब्याटिङ गरेको प्रदेश-१ ले २० ओभरमा २ विकेट गुमाएर १ सय २८ रनमा चित्त बुझायो ।
प्रदेश-१ का लागि रोमा थापाले अविजित रहदै ६६ रनको अर्धशतकीय इनिङ्स खेलिन् । यस्तै अप्सरी बेगमले अविजित २६ रन जोडिन ।
कप्तान रुबिना क्षेत्रीले २१ रन बनाईन । काजल श्रेष्ठ ८ रनमा आउट भईन ।
ललितपुरकी सन्तोषी चौधरी र सरस्वती कुमारीले १र१ विकेट लिईन् ।
आज दुबै टिम दोस्रो जित निकाल्दै प्रतियोगिताको सुखद अन्त्य गर्न चाहन्छ ।
तीन खेलमा २ अंक जोडेको प्रदेश-१ तेस्रो र ललितपुर समान अंक सहित चौंथो स्थानमा रहेका छन् ।
दुबै टिम प्रतियोगिताबाट बाहिरिसकेका छन् ।
यो खबर पढेर तपाईलाई कस्तो महसुस भयो ?
प्रतिक्रिया