ललितपुरबाट चितुवाको छाला बरामद

काठमाडौं । प्रहरीले ललितपुरबाट चितुवाको छाला बरामद गरेको छ ।

ललितपुर महानगरपालिका-१३ कुसुन्तीबाट बेवारिसे अवस्थामा रहेको चितुवाको छाला प्रहरीले बरामद गरेको हो ।

सार्वजनिक सडक नजिकैको जग्गामा बेवारिसे अवस्थामा जेब्रा झोलाभित्र छाला राखिएको भन्ने खबरपछि महानगरीय प्रहरी वृत्त सातदोबाटोबाट खटिएको टोलीले बरामद गरेको प्रहरी उपरीक्षक प्रज्वल महर्जनले जानकारी दिए ।

यस सम्बन्धमा थप अनुसन्धान गर्न डिभिजन वन कार्यालय गोदावरी ललितपुरमा बुझाइएको प्रहरीले जनाएको छ ।