काठमाडौं । न्यु डाईमण्ड स्पोर्ट्स क्लबले पाँचौं संस्करणको आरबीबी एनभीए राष्ट्रिय महिला तथा पुरुष क्लब लिग भलिबल च्याम्पियनसिप अन्तर्गत महिला तर्फको उपाधि हात पारेको छ ।
त्रिपुरेश्वरस्थित राखेपको कर्भडहलमा बिहीवार भएको फाइनलमा विभागीय टिम नेपाल पुलिस क्लबलाई ३-२ को सेटमा पराजित गर्दै न्यु डाईमण्ड च्याम्पियन बनेको हो ।
रोमान्चक बनेको खेलको शुरुवाती सेट पुलिसले २५-२२ ले जितेको थियो । त्यसपछिको दुई सेट लगातार न्यु डाईमण्डले २५-११ र २५-१९ ले जित्यो । तर, चौंथो सेट पुलिसले २५-२१ ले जितेपछि खेल पाँचौ सेटमा पुगेको थियो ।
पाँचौ तथा अन्तिम सेटमा १५-११ को सेटमा जित निकाल्दै न्यु डाईमण्डले उपाधि आफ्नो बनायो ।
उपाधिसँगै न्यु डाईमण्डले नगद ३ लाख प्राप्त गरेको छ । उपविजेता बनेको पुलिसले १ लाख ५० हजारमा चित्त बुझायो ।
यो खबर पढेर तपाईलाई कस्तो महसुस भयो ?
प्रतिक्रिया