काठमाडौं । आजदेखि आईपीएलको १४ औं संस्करण शुरु हुँदैछ । आजको पहिलो उद्घाटन म्याचमा रोयल च्यालेन्जर्स बैंग्लोर (आरसीबी) र गत सिजनको विजेता मुम्बई इण्डियन्स मैदानमा उत्रिने छन् ।
हालसम्म मुम्बईले पाँच पटक उपाधि जितेको छ । आरसीबीले भने एक पटक पनि उपाधि हात पार्न सकेको छैन । आरसीबी हालसम्म तीन पटक फाइनलमा पुगेको छ । टिममा कयौँ स्टार क्रिकेटर जोडिए पनि आरसीबीले उपाधि भने हात पार्न सकेको छैन ।
यो पटक पनि आरसीबीमा केही चर्चित क्रिकेटर जोडिएका छन् । ग्लेन म्याक्सेवल, काइल जेमिसन, डानियल क्रिस्टियन लगायतलाई आरसीबीले महँगो मूल्यमा टिममा अनुबन्ध गरेको छ ।
मुम्बईले यो पटक अक्सनबाट पियूष चावला, जिमी नीशम, एडम मिल्नेलगायतलाई अनुबन्ध गरेको थियो ।आरसीबी र मुम्बईबीचको पहिलो म्याच शुक्रवार नेपाली समयअनुसार साँझ ७ः४५ बजेदेखि चेन्नईमा शुरु हुनेछ ।
यो खबर पढेर तपाईलाई कस्तो महसुस भयो ?
प्रतिक्रिया