काठमाडौं । ईपीएलमा आईतबार साँझ सम्पन्न खेलमा ९औं स्थानमा रहेको आर्सनल आफ्नै घरेलु मैदानमा १८औं स्थानमा रहेको फूलह्यामसँग बराबरीमा रोकिएको छ ।
पहिलो हाफको ४०औं मिनेटमा ड्यानी सेबायोसको गोललाई भीएआरले अफसाइड भएको भन्दै मान्यता नदिए पछि पहिलो हाफ गोल रहित बराबरीमा रोकिएको थियो ।
दोस्रो हाफको ५९औं मिनेटमा आफ्नो डी एरिया भित्र आर्सनलले गरेको फललाई पेनाल्टी मार्फत फूलह्यमका जोसे माजाले गोलमा परिणत गरेपछि खेल १–० ले फूल्ह्यामको पक्षमा गएको थियो ।
त्यसपछि आर्सनलको डब्दबालाई फूलह्यामले विफल बनाएको थियो । खेल अवधि पछिको इन्जुरी टाइमको ७औं मिनेटमा एडवर्ड एनकेटियाले गोल गरेपछि खेल १–१ गोलको बराबरीमा टुंगिएको हो ।
यो बराबरीले फूलह्यामलाई रेलिगेसन जोनबाट मुक्ति पाउन कठिन भएको छ ।
यो खबर पढेर तपाईलाई कस्तो महसुस भयो ?
प्रतिक्रिया