नेदरल्याण्ड्सविरुद्ध ब्याटिङ गर्दै नेपाल

काठमाडौं- त्रिकोणात्मक टी–२० आई सिरिज अन्तर्गत नेपालले अहिले नेदरल्याण्ड्सविरुद्ध ब्याटिङ गरिरहेको छ।

कीर्तिपुरस्थित त्रिवि क्रिकेट मैदानमा नेपालले टस जितेर पहिले ब्याटिङ रोजेको हो।नेपालले आजको खेलमा कुनै खेलाडी परिवर्तन गरेको छैन। नेपालले मलेसिया विरुद्धकै टोली मैदान उतारेको हो ।

नेपालले आजको खेलमा जित निकालेमा एक खेल अगावै फाइनलमा स्थान बनाउने छ।नेपालले आफ्नो पहिलो खेलमा नेदरल्याण्ड्सलाई नौ विकेटले हराएको थियो भने दोस्रो खेलमा मलेसियालाई पनि नौ विकेटले नै पराजित गरेको थियो।

यता नेदरल्याण्ड्स आज नेपाललाई हराएर पहिलो खेलको हारको बदला लिने लक्ष्यमा हुने भने फाइनलमा पुग्ने संभावना पनि बलियो बनाउने योजनामा छ।

तीन टोली सहभागी सिरिजमा नेपाल अंकतालिकाको शीर्ष स्थानमा छ। नेदरल्याण्ड्स दोस्रो र मलेसिया तेस्रो स्थानमा छ।