काठमाडौं जिल्ला प्रशासनको १३ बुँदे निर्देशन, पालना नगरे कारवाही

काठमाडौं- कोरोना भाइरसको रोकथाम तथा नियन्त्रणका लागि काठमाडौं जिल्ला प्रशासन कार्यालयले १३ बुँदे निर्देशन जारी गरेको छ।

कोरोना भाइरसको संक्रमण बढेपछि प्रशासनले १३ बुँदे निर्देशन जारी गरेको हो । सोमवार बसेको मन्त्रिपरिषद्को बैठकको निर्णय अनुसार गृह मन्त्रालयले जिल्ला प्रशासन कार्यालयलाई पत्र पठाएको थियो । सोही पत्र अनुसार प्रशासन कार्यालयले भीडभाड नगर्न, अनिवार्य मास्कको प्रयोग गर्न, २५ जना बढी भेला नहुन, सवारीसाधनमा सिट क्षमताभन्दा बढी नराख्न, यात्रुबाहक सवारीसाधनमा चालक र सहचालकले अनिवार्य मास्क लगाउन अनुरोध गरिएको छ।

प्रशासन कार्यालय तोकेको स्वास्थ्य मापदण्डको पालना नगरिए संक्रामक रोग ऐन २०२० अन्तर्गत कारबाही गर्ने चेतावनी समेत दिएको छ।