काठमाडौं । इंग्लिश प्रिमियर लिग (ईपीएल) अन्तर्गत गए राती भएको खेलमा म्यानचेस्टर सिटीले एस्टन् भिल्ला माथि २–१ गोलको जीत निकालेको छ ।
खेलको पहिलो मिनेटमा जोन म्यागिनको गोलबाट अग्रता लिएको भिल्लाको खुशियालीलाई २२औं मिनेटमा फिल फोडेनको गोलले विफल पारिदियो ।
खेलको पहिलो हाफको ४०औं मिनेटमा रोड्रीको गोल मार्फत सिटीले आफ्नो अग्रता लियो। दोस्रो हाफमा कुनै गोल हुन नसकेपछि खेल सिटीले जितेको हो ।
यो जीत सँगै म्यानचेस्टर सिटी प्रिमियर लिग उपाधिको नजिक पुगेको छ । सिटीलाई उपाधि जित्न ५ खेलमा केवल ८ अंकको आवश्यकता छ ।
यसै गरी हिजो नै भएको अर्को खेलमा टोटनह्यामले साउथह्याम्पटनलाई २–१ गोलले पराजित गरेको छ । जोसे मोरीनोको प्रस्थान पछिको पहिलो खेलमा टोटनह्यामले ग्यारेथ बेल र ह्युङ मिन सनको गोल मार्फत खेल आफ्नो हात मा पारेको हो । साउथह्याम्पटनका लागि ड्यानी इङ्सले गोल गरेका थिए । यो जीत सँगै टोटनह्याम ३३ खेलमा ५३ अंक सहित ६औं स्थानमा उक्लिएको छ ।
यो खबर पढेर तपाईलाई कस्तो महसुस भयो ?
प्रतिक्रिया