युभेन्टसको सहज जित

काठमाडौं । इटालियन सिरी ए फुटबलमा युभेन्टस सहज जित हात पारेको छ ।

बुधवार राति भएको खेलमा युभेन्टसले पर्मालाई ३-१ गोल अन्तरले पराजित गरेको हो । घरेलु मैदानमा एक गोलको अग्रता उल्टाएर युभेन्टसले जित निकालेको हो ।

खेलको २५ औं मिनेटमा गास्टन ब्रुगमानले गोल गर्दै पर्मालाई अग्रता दिलाएका थिए । खेलको ४३ औं मिनेटमा एलेक्स सान्ड्रोले गोल गर्दै युभेन्टसलाई १-१ गोलको बराबरीमा फर्काए ।

खेलको ४७ औं मिनेटमा एलेक्सले व्यक्तिगत दोस्रो गोल गर्दै युभेन्टसलाई २-१ को अग्रता दिलाए । खेलको ६८ औं मिनेटमा म्याथिस डी लिग्टले गोल गर्दै युभेन्टसलाई ३-१ को जित दिलाए ।

जितसँगै युभेन्टसले ३२ खेलमा ६५ अंक जोडेको छ । पर्मा २० अंक जोडेर पुछारबाट दोस्रो स्थानमा रहेको छ ।

• एजेन्सी