धुर्मुस–सुन्तली फाउन्डेसनलाई खेलाडी संघको १ लाख सहयोग हस्तान्तरण

काठमाडौं । धुर्मुस–सुन्तली फाउन्डेसनलाई नेपाल राष्ट्रिय तथा अन्तर्राष्ट्रिय खेलाडी संघ (एनएनआईपीए) ले १ लाख रुपैयाँ सहयोग हस्तान्तरण गरेको छ ।

चितवनको भरतपुर नगरपालिकास्थित रामपुरमा निर्माणधीन गौतम बुद्ध अन्तर्राष्ट्रिय क्रिकेट शंगशालामा राखिने कुर्सी मध्ये १ कुर्सी खरिद गर्दै रंगशाला निर्माणमा सहयोग गर्ने उद्देश्यका साथ खेलाडी संघले १ लाख रुपैयाँ सहयोग रकम हस्तान्तरण गरको हो ।

सहयोग रकम हस्तान्तरण गर्दै खेलाडी संघका अध्यक्ष दीपक श्रेष्ठले १०१ नम्बरको कुर्सी उपलब्ध गराइ दिन आग्रह गरे । अध्यक्ष श्रेष्ठले सम्पूर्ण खेल संघका व्यक्तित्वहरुलाई धुर्मुस सुन्तली फाउन्डेशनको अभियानलाई सफल बनाउन सहयोग गर्न आग्रह समेत गरे ।

धुर्मुस सुन्तली फाउन्डेशनका अध्यक्ष सिताराम कट्टेलले खेलाडीको वृत्ति विकास र सरकारलाई सहयोग गर्न रंगशाला निर्माणको कार्य थालनी गरेको बताए । रंगशाला हातामा विभिन्न मुख्य २२ खेल विधाका संरचना निर्माण गर्ने योजना रहेको पनि उनको भनाई छ ।