घट्यो सुनचाँदीको मूल्य, कतिमा हुँदैछ कारोबार ?

काठमाडौं । साताको शुरुको दिन आइतवार नेपाली बजारमा सुन चाँदीको मूल्यमा सामान्य गिरावट आएको छ ।

शुक्रवार प्रतितोला छापावााला सुनको मूल्य ९१ हजार ७ सय रहेको थियो । भने आज सुनको मूल्य तोलामा ४ सयले गिरावट आइ प्रतितोला छापावाला सुन ९१ हजार ३ सय कायम भइ कारोबार भइरहेको नेपाल सुनचाँदी व्यवसायी महासंघले जनाएको छ । त्यस्तै आज तेजावी सुनको मूल्य ९० हजार ८ सय रहेको छ ।

यसैगरी नेपाली बजारमा आज चाँदीको मूल्य पनि तोलामा १० रुपैयाँले गिरावट आएको छ । शुक्रवार चाँदीको मूल्य १३ सय २० रहेको थियो भने आज मूल्य गिरावट आइ प्रतितोला चाँदी १३ सय १० कायम भइ कारोबार भइरहेको महासंघले जनाएको छ ।