काठमाडौं । नेपाल सुपर लिग (एनएसएल) मा आज दुई खेल खेलिँदै छन्।
दशरथ रंगशालामा खेलिने दुबै खेल मध्ये पहिलो खेलमा विराटनगर सिटी एफसी र धनगढी एफसी अपरान्ह २:३० बजे भिड्दै छन्।
विराटनगर रञ्जित धिमालको कप्तानीमा उत्रने छ भने धनगढीको कप्तान नेपाल राष्ट्रिय फुटबल टोलीका गोलरक्षक तथा कप्तान किरण चेम्जोङ रहने छन्।
त्यसै गरी साँझ ५:३० बजे खेलिने दोस्रो खेलमा पोखरा थन्डर्स र बुटवल लुम्बिनी एफसी आमने सामने हुने छन् । कप्तान अनिल गुरुङ को कप्तानी मा पोखरा र विशाल श्रेष्ठको कप्तानीमा बुटवल लुम्बिनी मैदान प्रवेश गर्ने छन्।
एनएसएलको सुरुवाती खेलमा हिजो काठमाडौं रेजर्सले ललितपुर सिटी एफसीलाई १-० गोल अन्तरले पराजित गरेको थियो।
यो खबर पढेर तपाईलाई कस्तो महसुस भयो ?
प्रतिक्रिया