तास खेलिरहेका ७ जना जुवाडे पक्राउ

काठमाडौं । तनहुँमा तास खेलिरहेको अवस्थामा ७ जना पक्राउपर्का छन् । आबुखैरेनी गाउँपालिका-३ आबुखैरेनी बस्ने ५८ वर्षीय मन बहादुर श्रेष्ठको घरमा तास खेलिरहेको अवस्थामा श्रेष्ठ समेत ७ जनालाई शनिवार राति प्रहरीले पक्राउ गरेको छ ।

विशेष सूचनाको आधारमा जिल्ला प्रहरी कार्यालय तनहुँ र ईलाका प्रहरी कार्यालय आबुखैरेनीबाट खटिएको प्रहरीले उनीहरुलाई नगद १ लाख ११ हजार ४ सय ४० रुपैयाँ र १३ बुक तास सहित फेला पारी पक्राउ गरेको हो ।

यस सम्बन्धमा प्रहरीले थप अनुसन्धान गरिरहेको बताएको छ ।