काठमाडौं । स्पेनिश टेनिस स्टार राफायल नाडालले यस वर्षको बार्सिलोना ओपन बैंक साबाडेलको उपाधि जितेका छन्।
आफ्नो मातृभूमिमा राफाले आईतवार राती सम्पन्न फाइनल खेलमा ग्रीक टेनिस स्टार स्टेफानोस् सिसिपासलाई ६-४, ६-७(६) र ७-५ को सेटमा हराउँदै एटिपी वरियतामा दोस्रो स्थानमा फर्किन सफल भए।
क्ले कोर्टका राजा भनेर चिनिने राफा नाडालले यस पालिको मोन्टे कार्लो ओपन विजेता सिसिपासलाई हराउँदै आफ्नो १२औं बार्सिलोना ओपन जित्न सफल भएका हुन्।
गत फब्रुअरीमा सम्पन्न अस्ट्रेलियन ओपनको क्वार्टर फाइनलमा सिसिपासले नाडाललाई पराजित गरेका थिए ।
१३ पटक रोल्याण्ड गारोस् विजेता ३४ वर्षीय राफायल नाडालले सो हारको बदला आफ्नो १२औं बार्सिलोना ओपन जितेर लिएका छन्।
यो खबर पढेर तपाईलाई कस्तो महसुस भयो ?
प्रतिक्रिया