काठमाडौंमा आईपीएल क्रिकेटको सट्टेबाजी गराउने ११ जना पक्राउ

काठमाडौं । इन्डियन प्रिमियर लिग (आईपीएल) क्रिकेटको सट्टेबाजी गराउने ११ जनालाई प्रहरीले पक्राउ गरेको छ । काठमाडौंबाट ११ जनालाई पक्राउ गरिएको महानगरीय अपराध महाशाखाले जनाएको छ ।

महाशाखाको टोलीले ठमेल र ज्याठा लगायतका पाँच ठाउँबाट आरोपीहरुलाई पक्राउ गरेको बताएको हो ।

उनीहरुले मोवाइल मार्फत ह्वाट्स एपको सहायताले सट्टेबाजी गराएर करोडौंका हार जित गराउने गरेको प्रहरीको प्रारम्भिक अनुसन्धानबाट खुलेको छ ।

घटनाबारे थप अनुसन्धान भइरहेको अपराध महाशाखाले जनाएको छ ।