तास खेलिरहेका ९ जना जुवाडे पक्राउ

काठमाडौं । नवलपरासी(पूर्व)मा तास खेलिरहेको अवस्थामा ९ जना जुवाडे पक्राउ परेका छन् ।
गैंडाकोट नगरपालिका-१६ बेल्डिया बस्ने डिलाराज लामिछानेको घरमा जुवातास खेलिरहेको अवस्थामा लामिछाने समेत ९ जनालाई आइतवार दिउँसो प्रहरीले पक्राउ गरेको छ ।

जुवातास खेलिरहेको भन्ने खबर प्राप्त हुनासाथ जिल्ला प्रहरी कार्यालय नवलपरासी(पूर्व)बाट खटिएको प्रहरीले उनीहरुलाई नगद ३३ हजार ७ सय २० नेपाली रुपैयाँ, ९ हजार ५ सय भारतीय रुपैयाँ र ४ बुक ताससहित फेला पारी पक्राउ गरेको हो ।

यस सम्बन्धमा प्रहरीले थप अनुसन्धान गरिरहेको बताएको छ ।