काठमाडौं । महोत्तरी, पाँचथर र मोरङमा भएको सवारी दुर्घटनामा परि ३ जनाको मृत्यु भएको छ ।
महोत्तरी, महोत्तरी गाउँपालिका(५ हरिगोरगम्बामा प्रदेश २-०२-००२ प ६१२७ नम्बरको मोटरसाइकल अनियन्त्रित भई शुक्रवार बिहान दुर्घटना हुँदा मोटरसाइकल चालक सोही गाउँपालिका-५ बस्ने सियाशरण यादवको छोरा १४ वर्षीय रोहित यादवको मृत्यु भएको छ ।
दुर्घटनामा गम्भीर घाइते भएका उनको जानकी हेल्थ केयर जनकपुरमा उपचारको क्रममा मृत्यु भएको हो । दुर्घटनामा घाइते भएका मोटरसाइकलमा सवार सोही ठाउँ बस्ने १६ वर्षीय दिपेश कुमार यादवको सोही अस्पतालमा उपचार भइरहेको छ ।
त्यस्तै पाँचथर, फाल्गुनन्द गाउँपालिका(३ गुम्बाडाँडामा बा.८५ प २२८० नम्बरको मोटरसाइकल अनियन्त्रित भई सडकबाट करिब ५० मिटर तल खसेर शुक्रबार दिउँसो दुर्घटना हुँदा मोटरसाइकल चालक ईलाम फाकफोकथुम गाउँपालिका-३ बस्ने १८ वर्षीय किरण राईको घटनास्थलमै मृत्यु भएको छ ।
मोरङ, ग्रामथान गाउँपालिका-२ भृकुटीमा को १ क ३३४५ नम्बरको टिपर र को २९ प ४१७० नम्बरको मोटरसाइकल आपसमा ठक्कर खाई शनिबार दिउँसो दुर्घटना हुँदा मोटरसाइकल चालक ग्रामथान गाउँपालिका-५ बस्ने ३५ वर्षीय नरेश माझीको मृत्यु भएको छ ।
दुर्घटनामा गम्भीर घाइते भएका उनको न्यूरो अस्पताल बिराटनगरमा उपचारको क्रममा मृत्यु भएको हो । टिपर चालकलाई प्रहरीले नियन्त्रणमा लिएको छ । दुर्घटनाका सम्बन्धमा प्रहरीले थप अनुसन्धान भइरहेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया