काठमाडौं । काठमाडौं र मोरङमा गरि ४ जना मृत अवस्थामा फेला परेका छन् ।
काठमाडौं महानगरपालिका-७ गौरिघाट बस्ने नुवाकोट घर भएका ३७ वर्षीय अर्जुन अधिकारी सोही ठाउँस्थित गौरीघाट फलामे पुल नजिकै शनिवार मृत अवस्थामा फेला परेका छन् ।
यसैगरी काठमाडौं महानगरपालिका-१६ पकनाजोलस्थित सुस्मा पुडासैनीको लक्की स्पाको कोठाको भुइँमा नयाँबजार बस्ने ५९ वर्षीय राजमान प्रधान शुक्रवार मृत अवस्थामा फेला परेका छन् ।
यसैगरी काठमाडौं महानगरपालिका-२७ कमलाक्षीस्थित गणेशमन्दिर नजिक सडक पेटीमा हाल नाम, थर, वतन नखुलेका अन्दाजी ५० वर्षीय पुरूष शनिवार मृत अवस्थामा फेला परेका छन् ।
मोरङ, पथरीशनिश्चरे नगरपालिका-१ स्थित जंगलमा हाल नाम, थर, वतन, नखुलेका अन्दाजी ३० वर्षीय पुरुष शुक्रवार मृत अवस्थामा फेला परेका छन् ।
घटनाका सन्दर्भमा आवश्यक अनुसन्धान भइरहेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया