आईसीसीको नयाँ वरियता सार्वजनिक, नेपालको सुधार

काठमाडौं।  आईतवार अन्तराष्ट्रिय क्रिकेट परिषद (आईसीसी) ले आफ्नो नयाँ वरियताको सूची सार्वजनिक गरेको छ। जसको टी-ट्वेन्टी वरियतामा नेपलले १ खुड्किलो चढेको छ।

भर्खरै सम्पन्न त्रिकोणात्मक टी-ट्वेन्टी शृंखलाको उपाधि जितेको नेपाल टी-ट्वेन्टी वरियतामा १३औं स्थानमा उक्लिएको छ। यस अघि १४औं स्थानमा रहेको नेपालको अहिले सम्मको उत्कृष्ट वरियता ११औं स्थान हो। टी-ट्वेन्टी वरियतामा इङ्ल्यान्ड, भारत र न्युजिल्यान्ड क्रमशः पहिलो, दोस्रो र तेस्रो स्थानमा छन्।

त्यस्तै एकदिवसीय क्रिकेटको वरियतामा पनि नेपाल १ स्थान माथि चड्दै १६औं स्थानमा रहन सफल भएको छ। एक्दियसिय क्रिकेट बरियतामा न्युजिल्यान्डको टोली शीर्ष स्थानमा छ भने दोस्रो र तेस्रो स्थानमा क्रमशः अस्ट्रेलिया र भारत रहेका छन्।