आज सांसदहरुको कोरोना परीक्षण हुने

काठमाडौं । आज सांसदहरुको कोरोना परीक्षण गरिने भएको छ ।

बैशाख २७ गते हुने प्रतिनिधिसभाको विशेष अधिवेशनका लागि आज र भोलि सांसदहरुको कोरोना परीक्षण गरिने संघीय संसद सचिवालयले जानकारी दियो । संसद भवन नयाँ बानेश्वरको ल्होत्से हलमा आज बिहान १० बजेदेखि बेलुका ५ बजेसम्म पिसिआर परिक्षण हुने संसद सचिवालयले जनाएको छ ।

आज सभामुख, राष्ट्रियसभा अध्यक्ष र उपाध्यक्ष, प्रतिनिधिसभा र राष्ट्रियसभाका सम्पूर्ण सदस्य, महासचिव, सचिव, कार्यव्यवस्था परामर्श शाखा र सांसद व्यवस्थापन शाखासहित संसद् सचिवालयका सम्पूर्ण कर्मचारीको परीक्षण हुने जनाइएको छ ।