काठमाडौं। इंग्लिश प्रिमियर लिग अन्तर्गत आज शनिवार हुने खेलमा म्यानचेष्टर सिटी र चेल्सी आमने सामने हुँदै छन्।
भर्खरै यी दुई टोलीले च्याम्पियन्स लिगको फाइनल यात्रा तय गरेको अवस्था छ। ‘मे २९’ मा हुने च्याम्पियन्स लिग फाइनल खेल अगावै यी दुई टोली घरेलु लिगमा शनिवार प्रतिस्पर्धा गर्दै छन्।
सिटीको घरेलु मैदान ‘एतिहाद’मा खेलिने सो खेल सिटीको लागि महत्वपूर्ण रहेको छ। शनिवारको खेलमा सिटीले जित निकालेको खण्डमा सिटीले इंग्लिश प्रिमियर लिगको उपाधि जित्ने छ। सिटी उपाधिको लागि केवल १ जित टाढा छ।
उता चेल्सी भने सिटीको उपाधि यात्रा कम्तीमा एक साताले लम्ब्याउन चाहन्छ। सिटीलाई घरेलु मैदानमा हराउँदै चेल्सी च्याम्पियन्स लिग फाइनलको लागि आत्मबल र आत्मविश्वास दुइटै बढाउन चाहन्छ। चेल्सीले एफए कपको सेमीफाइनल खेलमा पनि सिटीलाई पराजित गरेको थियो।
म्यानचेस्टर सिटी र चेल्सी बिचको खेल शनिबार नेपाली समय अनुसार राती १०:१५ बजे शुरू हुनेछ।
यो खबर पढेर तपाईलाई कस्तो महसुस भयो ?
प्रतिक्रिया