ओलीको टिप्पणी- ‘केही व्यक्तिहरु सामूहिक राजीनामा दिएर राजनीतिक जीवन सिध्याउँदैछन्’

लोकपथ संवाददाता

२०७८,बैशाख,२६,आईतवार १७:४२

140

काठमाडौं । नेकपा एमालेका अध्यक्ष एवम् प्रधानमन्त्री केपी शर्मा ओलीले नेताहरुले सामूहिक राजीनामा दिएर आफ्नो राजनीतिक जीवन नै समाप्त पार्न लागेको टिप्पणी गरेका छन् ।

आज एक विज्ञप्ति जारी गर्दै ओलीले पार्टीलाई मजवुत बनाउनका लागि आफ्नो पक्षमा मत माग्दै सामूहिक राजीनामा दिएर आफ्नो राजनीतिक जीवन नै समाप्त पार्न लागेको टिप्पणी गरेका हुन् ।

“कतिपय व्यक्तिमा वैयक्तिक स्वार्थ, अंहकार, असन्तुष्टि र ईर्श्या छन् । यस आन्दोलनतर्फ उनीहरुको स्वार्थपूर्तिको माध्यम वा त्यसको शिकार बनाउनु हुँदैन ।” ओलीले भने- “आफ्नो पार्टीलाई फुटाउन, ढाल्न, पराजित गर्न र विरोधिहरुका स्वार्थलाई मलजल गर्न कतै फ्लोरक्रस गर्ने, कतै अविश्वास प्रस्ताव राख्ने र कतै केही नलागे सामूहिक राजीनामा गरी/गराई आफ्नो राजनीतिक जीवन नै समाप्त पारेर भएपनि पार्टीलाई पछारी छाड्नेजस्ता हानिकारक प्रयास भएका छन् ।”