काठमाडौं । बार्सिलोना तथा स्पेनका पूर्व स्टार खेलाडी आन्द्रेस इनिएस्टाले जापानी जे-१ टोली भिस्सेल कोबेसँग थप २ वर्षको नयाँ सम्झौतामा दस्तखत गरेका छन्।
मंगलवार इनिएस्टाको ३७औं जन्मदिनको अवसर पारेर भिस्सेल कोबेले क्लब र इनिएस्टाको सन् २०२३ सम्मको सम्झौताबारे सूचना सार्वजनिक गरेको हो।
बार्सिलोना संगको २२ वर्षीय यात्रा टुंग्याएर सन् २०१८ मा इनिएस्टा जापानी कल्ब भिस्सेल कोबेसँग आबद्ध भएका थिए।
भिस्सेल कोबे र इनिएस्टाको जोडीले गत वर्ष ‘एमपेरर कप’को उपाधि जितेको थियो। त्यसतै इनिएस्टाले भिस्सेल कोबेलाई क्लब इतिहासमै पहिलो पटक ‘एएफसी च्याम्पियन्स लिग’ पुग्न पनि मद्दत गरेका थिए।
यस्तै यी दुईको जोडीले सन् २०२० फेबरुअरीमा ‘जापानिज सुपर लिग’को उपाधि पनि जितेको थियो।
इनिएस्टाले कोबेको लागि हाल सम्म ७७ खेल खेलिसकेका छन्। उनले सो दौरान १६ गोल र १८ अस्सिस्टको योगदान पनि दिएका छन्।
यो खबर पढेर तपाईलाई कस्तो महसुस भयो ?
प्रतिक्रिया