सगरमाथा आरोहण गर्ने गएका दुई जनाको मृत्यु

काठमाडौं । सगरमाथा आरोहण गर्ने क्रममा दुईजनाको मृत्यु भएको छ । एक स्वीस र एक अमेरिकी आरोहीको बुधवार राति निधन भएको सेभेन समिट ट्रेकका सञ्चालक मिग्मा शेर्पाले जानकारी दिएका छन् ।

स्वीट्जरल्याण्डका अब्दुल वाराइच र अमेरिकाका पुवेइ लिउको निधन भएको हो । अब्दुलको आरोहण गरेर फर्किने क्रममा साउथ समिटमा निधन भएको हो ।

लिउको हिलारी स्टेप बेहोस भएपछि उनलाई क्याम्प फोरसम्म ल्याइए पनि बचाउन नसकिएको शेर्पाले जानकारी दिए ।