कलंकीमा सवारी दुर्घटना, ट्राफिक प्रहरीसहित ४ घाईते

काठमाडौं । कलंकीमा सवारी दुर्घटना हुँदा ट्राफिक प्रहरी सहित चार जना घाईते भएका छन् ।

पत्रकार परिचयपत्र बोकेर मदिरा सेवन गरी चलाएका चालकले दुर्घटना गराएका हुन् । कलंकीबाट बाफल जाँदै गरेको प्रदेश–३–०१–०२४ च ०६०४ नम्बरको कारले कलंकी स्थित ज्ञानोदय मार्गमा चारवटा सवारीलाई ठक्कर दिदा दुर्घटना भएको हो । कारको ठक्करबाट ट्राफिक प्रहरी बिजय सिंह ऐरसहित ४ जना घाइते भएका छन् ।

ऐरलाई उपचारको लागि प्रहरी अस्पताल पठाइएको छ भने अरु ३ जनाको कलंकी स्थित शहिद मेमोरियल अस्पतालमा उपचार भइरहेको महानगरीय ट्राफिक प्रहरी महाशाखाले जनाएको छ ।